ᕿᑐᕐᖓᕗᑦ ᓯᕗᓪᓕᐅᔨᓚᕗᑦ ᓄᓇᕕᒻᒥ ᐱᒋᐊᕐᑎᑕᐅᓯᒪᔫᑉ ᐱᓇᓱᐊᕐᑕᐅᓂᖓ ᓈᒻᒪᖁᐊᕆᔭᐅᕗᖅ Jordan's Principle-ᓚᔭᐅᔪᒧᑦ ᑐᕌᒐᖃᕈᑕᐅᑦᓱᓂ ᐃᓄᑐᐃᓐᓀᑦ ᕿᑐᕐᖓᖏᓐᓂᒃ
ᕿᓄᒍᑎᓕᐅᒍᒪᔪᖃᕐᐸᑦ
cfi.nrbhss@ssss.gouv.qc.ca
1-833-405-1234
ᑕᑯᒋᐊᕋᑦᓴᐅᒥᔪᑦ Microsoft Booking: https://bit.ly/CFI-Booking
ᐅᒃᑯᐃᖔᕐᕕᖏᑦᑕ ᑫᕙᓪᓚᒍᓯᖏᑦ
ᐊᓪᓕᕇᒥ ᓂᕿᑦᓯᑐᓄᑦ
8:30 ᐅᓪᓛᑯᑦ - 4:30 ᐅᓐᓄᓴᒃᑯᑦ
ᖃᕆᑕᐅᔭᒃᑯᑦ ᑕᑕᕐᓴᕃᑦ ᐱᑐᒍᑎᖓ:
application.cfi.nrbhss.ca/
ᕿᑐᕐᖓᕆᔭᐅᔪᑦ ᓯᕗᓪᓕᐅᔭᐅᒋᐊᖃᕐᓂᖓᑕ ᐱᒋᐊᕐᑎᑕᐅᓯᒪᓂᖓᑕ ᐱᔭᑦᓴᑖᕆᓯᒪᔭᖏᑦ
- ᐱᔭᑦᓴᑖᕐᓯᒪᔪᑦ ᕿᑐᕐᖓᕆᔭᐅᔪᑦ ᓯᕗᓪᓕᐅᔭᐅᒋᐊᖃᕐᓂᖓᓂᒃ ᐱᒋᐊᕐᑎᓯᓯᒪᔪᑦ ᐅᖄᒍᑎᖃᖃᑦᑕᓂᐊᕐᓗᑎᒃ ᑭᖕᖒᒪᒋᔭᖏᓐᓂᒃ ᓄᓇᕕᒻᒥᐅᑦ ᐃᓄᐃᑦ ᕿᑐᕐᖓᖏᓐᓂᒃ ᐃᓚᐅᒍᑎᓕᓐᓂᒃ ᓄᓇᕕᐅᓪᓗ ᓯᓚᑖᓃᑦᑐᑦ, ᑮᓇᐅᔭᖃᕐᑎᓯᒍᓐᓇᓗᑎᒃ ᐃᓄᐃᑦ ᐃᓕᕐᖁᓯᖓᑎᒍᑦ ᐱᒍᑦᔨᐅᑎᑦᓴᓂᒃ ᐱᐅᓕᓐᓂᐊᒐᕐᓂᓗ ᐃᓕᓴᕐᓂᒨᓕᖓᔪᓂᒃ, ᐃᓗᓯᕐᒨᓕᖓᔪᓂᒃ ᐃᓄᓕᕆᓂᕐᒨᓕᖓᔪᓂᓪᓗ, ᐱᓗᐊᕐᑐᖅ ᐱᒍᑦᔨᐅᑏᑦ ᐊᑐᐃᓐᓇᐅᖏᑐᐊᕐᒪᑕ ᑎᑭᑕᐅᑦᓴᐅᑎᒋᒍᓐᓇᖏᑐᐊᕐᒪᑕᓘᓐᓃᑦ.
- ᓱᓕᓗ, ᑐᓂᒪᒍᑎᖃᕐᑐᒍᑦ, ᐃᑲᔪᕐᓯᒪᒍᓐᓇᓂᐊᕐᓗᑕ ᐱᓇᓱᖃᑎᒋᓲᑦᑎᓂᒃ ᓄᐃᑦᓯᒐᓱᐊᓕᕈᑦᑕ ᐊᑦᑕᓇᖕᖏᑐᓂᒃ ᐱᓇᓱᐊᕐᑕᐅᔪᑦᓴᓂᒃ ᑐᕌᒐᖃᕈᑕᐅᔪᓂᒃ ᐱᒍᑦᔨᐅᑎᓂᒃ ᐱᑦᓯᐊᕆᐊᕆᐊᖃᕐᓂᒥᒃ.
ᓯᕗᓪᓕᐅᔭᐅᒋᐊᖃᕐᓂᖓᑕ ᐱᒋᐊᕐᑎᑕᐅᓯᒪᓂᖓᑕ ᓯᕗᓂᑦᓴᖃᕈᑕᐅᓂᖓ
ᕿᑐᕐᖓᕆᔭᐅᔪᑦ ᓯᕗᓪᓕᐅᔭᐅᒋᐊᖃᕐᓂᖓᑕ ᐱᒋᐊᕐᑎᑕᐅᓯᒪᓂᖓ ᑮᓇᐅᔭᖃᕐᑎᓯᔨᑐᐃᓐᓇᐅᖏᓪᓚᖅ ᐃᓕᓴᕐᓂᒨᓕᖓᔪᓂᒃ, ᐃᓗᓯᕐᒨᓕᖓᔪᓂᒃ ᐃᓄᓕᕆᓂᕐᒨᓕᖓᔪᓂᓪᓘᓃᑦ; ᓂᐸᖃᕐᑎᓯᕕᐅᕗᖅ ᐃᓄᐃᑦ ᕿᑐᕐᖓᖏᑦᑕ ᐱᒍᑦᔭᐅᒍᑎᒋᒋᐊᖃᕐᓱᒋᑦ ᐱᒍᑦᔭᐅᒍᑎᒋᓲᕆᖕᖏᑕᖏᓐᓂᒃ. ᐱᒍᑦᔭᐅᒍᑎᖃᑦᓯᐊᖏᓐᓂᓕᒫᖏᓐᓂ, ᕿᑐᕐᖓᕆᔭᐅᔪᑦ ᓯᕗᓪᓕᐅᔭᐅᒋᐊᖃᕐᓂᖓᑕ ᐱᒋᐊᕐᑎᑕᐅᓯᒪᓂᖓ ᐱᑦᔪᑎᑦᓴᖃᑦᓯᐊᓚᖓᕗᑦ.
ᕿᑐᕐᖓᕆᔭᐅᔪᑦ ᓯᕗᓪᓕᐅᔭᐅᒋᐊᖃᕐᓂᖓᑕ ᐱᒋᐊᕐᑎᑕᐅᓯᒪᓂᖓᑎᒍᑦ ᐱᓪᓚᕆᖁᑎᒋᔭᐅᔪᑦ
- ᕿᑐᕐᖓᕆᔭᐅᔪᓅᓕᖓᑦᓯᐊᓗᑎᒃ
- ᓄᓇᓕᒻᒨᓕᖓᑦᓯᐊᓗᓂ
- ᑲᑐᑦᔮᕆᔭᐅᓗᓂ
- ᓱᓕᑦᓯᐊᑐᒃᑰᓗᓂ
- ᑲᒪᒋᔭᑦᓴᖃᑦᓯᐊᓗᓂ
ᐅᕙᑦᑎᓅᓕᖓᔪᑦ
ᔪᐊᑕᓂᐅᑉ ᑐᖕᖓᕕᒋᔭᖓᑕ ᒥᑦᓵᓄᑦ
ᔪᐊᑕᓂ ᕆᕗ ᐊᓐᑐᓴᓐ, 1999-ᒥ ᐃᓄᓕᕐᓯᒪᔪᖅ ᓄᐊᒍᐃ ᖃᐅᔅ ᒪᓇᑐᐸᒥ, ᐊᓐᓂᐊᕕᒻᒥᓯᒪᔪᖅ ᐃᓄᓕᓕᕐᓂᕋᒥ ᐱᕐᖃᔭᖕᖏᓇᒥ ᑎᒥᒥᒍᑦ. ᐅᑭᐅᖃᓕᕐᓱᓂ 2-ᓂᒃ, ᑎᒍᐊᕐᕕᒥᓄᑦ ᓄᓚᐅᕐᐳᖅ, ᑭᓯᐊᓂ ᐊᖏᖃᑎᒋᒍᓐᓇᖏᒻᒪᑕ ᑲᕙᒪᑐᖃᒃᑯᑦ ᒪᓇᑐᐸᒃᑯᑦ ᑲᕙᒪᖓᓗ, ᑭᓇᐅᔭᖃᑦᑎᓯᓐᓂᖏᒻᒪᑕ ᐊᓂᕐᕋᓯᒪᔪᑦ ᑲᒪᒋᔭᐅᕕᖓᓄᑦ. ᐊᓐᓂᐊᕕᒻᒥᓚᕿᓯᒪᔪᖅ ᑐᖁᖕᖏᓂᕐᒥᓂ, 5-ᓂᒃ ᐅᑭᐅᖃᓕᕐᕋᑕᕐᓱᓂ.
2007-ᒥ, ᒪᓕᒐᓕᐅᕐᕕᒃ ᐊᓂᒍᕐᑎᓯᓚᐅᕐᓯᒪᔪᖅ ᔪᐊᑕᓂᐅᑉ ᑐᖕᖓᕕᒋᓂᐊᕐᑕᖏᓐᓂᒃ, ᐱᒍᓐᓇᕕᖃᑦᑎᓯᓂᕐᒥ ᓄᓇᖃᕐᖄᓯᒪᔪᑦ ᕿᑐᕐᖓᖏᓐᓄᑦ ᐃᓕᔭᐅᒍᓐᓇᓗᑎᒃ ᐱᒍᑦᔨᓂᐅᔪᓄᑦ. ᐅᓪᓗᒥ, ᑕᖕᖓᕕᐅᔪᖅ ᐱᖁᔭᑎᒍᑦ ᐱᔭᐅᔭᕆᐊᓕᒃ ᑲᓇᑕᒥ, ᐱᕙᓪᓕᑎᑦᓯᓗᓂ ᒪᓐᓇᐅᔪᖅ ᐊᒻᒪᓗ ᓯᕗᓂᑦᓴᒥ ᑎᖑᕙᕆᔭᐅᔪᓄᑦ.
ᓯᕗᓪᓕᐅᓱᓂ ᓄᐃᑕᐅᓚᐅᕐᓯᒪᔪᖅ ᓄᓇᖃᖄᓯᒪᔪᑦ ᕿᑐᕐᖓᖏᓐᓄᑦ, ᔪᐊᑕᓂᐅᑉ ᑐᖕᖓᕕᒋᔭᖓ ᐃᓚᐅᑎᑦᓯᓂᖕᖏᑐᑦ ᐃᓄᐃᑦ ᕿᑐᕐᖓᖏᓐᓄᑦ, ᑭᖕᖑᒪᒋᔭᖏᑦ ᐊᑦᔨᒌᖑᒐᓗᐊᕐᑎᓗᒋᑦ. ᐅᖓᓯᑦᑕᕆᑦᑎᓗᒋᒃ ᑲᕙᒫᒃ ᐱᒍᑦᔨᖏᑦ, ᓱᕐᕃᓱᑎᒃ ᐃᓄᐃᑦ ᑭᖕᖑᒪᒋᔭᖏᓐᓄᑦ.
ᐱᒋᐊᕐᕕᖏᑦ ᐱᐊᕋᕐᓄᓕᖓᔪᑦ ᓯᕗᓪᓕᖅ ᓄᓇᕕᒻᒥᓕᖓᔪᑦ
ᓴᖕᖓᓱᒍ ᖃᓄᐃᓕᖓᐅᓯᐅᔪᖅ, ᓇᑕᓐ ᐅᐱᐊᑦ, ᐊᖓᔪᕐᖄᖓ ᐃᓄᐃᑦ ᑕᐱᕆᒃᑯᑦ ᑲᓇᑕᒥ (ITK), ᑲᕙᒪᑐᖃᒃᑯᓂᒃ ᓄᐃᑦᓯᖁᔨᑦᓱᑎᒃ ᐃᓄᐃᑦ ᕿᑐᕐᖓᖏᓐᓄᓕᖓᔪᒥᑦ ᐊᑦᔨᖏᓐᓂᒃ ᓄᓇᖃᖄᓯᒪᔪᓄᓕᖓᔪᓄᑦ ᐃᓕᖓᔪᓄᑦ ᐃᓗᓯᖏᓐᓄᑦ, ᐃᓄᓕᕆᓂᒃᑯᑦ ᐊᒻᒪᓗ ᐃᓕᓐᓂᐊᓂᕐᒧᑦ. ᑐᑦᓯᕋᐅᑎᐅᔪᖅ ᓂᐃᑕᐅᖁᑦᓱᒍ ᐃᓄᓐᓄᓕᖓᔪᖅ ᔪᐊᑕᓂᐅᑉ ᑐᖕᖓᕕᖓᑎᑐᑦ ᐃᓄᐃᑦ ᓄᓇᖓᓂ, ᓯᑕᒪᐅᓕᖓᔪᒥᒃ: ᐃᓄᕕᐊᓗᐃᑦ, ᓄᓇᕗᑦ, ᓄᓇᕕᒃ, ᐊᒻᒪᓗ ᓄᓇᑦᓯᐊᕗᑦ.
ᓯᑦᑎᒻᐱᕆ 10, 2018-ᒥ, ᑲᕙᒪᑐᖃᒃᑯᑦ, ᐱᒍᑦᔭᐅᕕᖓᓂ ᓄᓇᖃᕐᖄᓯᒪᔪᑦ ᑲᓇᑕᒥ (ISC), ᐅᖃᐅᓯᖃᓚᐅᔪᕗᑦ ᐱᐊᕋᕐᓄᓕᖓᔪᒥᑦ (CFI) ᓄᓇᕕᒃ. ᑕᓐᓇ, ᐊᑦᔨᐸᓱᖓ ᔪᐊᑕᓂᐅᑉ ᑐᖕᖓᕕᖓᑎᑐᑦ ᑭᓯᐊᓂ ᓯᓚᑖᒍᑦ ᑲᓇᑕᒥ ᐊᓂᕐᑎᕆᔪᓕᒫᑦ ᐱᔪᓐᓇᐅᑎᖏᓐᓄᑦ ᑐᕐᖃᑕᕐᕕᒃ, ᐅᕐᓕᑐᕐᒪᑦ ᐃᓄᐃᑦ ᕿᑐᕐᖓᖏᓐᓄᓕᖓᔪᓂᒃ ᐃᓗᓯᖏᓐᓄᑦ, ᐃᓄᓕᕆᔭᐅᓂᖏᓐᓄᑦ, ᐊᒻᒪᓗ ᐃᓕᓐᓂᐊᒍᑎᖏᓐᓄᒃ, ᐱᒍᑦᔭᐅᓂᖏᓐᓄᑦ ᐊᒻᒪᓗ ᓴᐳᒻᒥᔭᐅᓂᖏᓐᓄᑦ.
ᓄᐃᑕᐅᓚᕿᑦᓱᓂ ᑲᓇᑕᐅᑉ ᑲᕙᒪᖓᓄᑦ ᓄᐃᑦᓯᖁᔭᐅᑦᓱᑎᒃ ᐊᑯᓂᕐᑐᒥᑦ ᐃᓄᓐᓄᓕᖓᔪᒥᑦ ᐱᓇᓱᐊᖃᑎᒋᑦᓱᒋᑦ SAC, ITK, ᐊᒻᒪᓗ ᐃᓄᐃᑦ ᐊᖏᖃᑎᒋᒍᑎᒋᓯᒪᔭᖏᑦ ᑎᒥᐅᔪᑦ (ITO) ᐃᓄᐃᑦ ᓄᓇᖏᓐᓂᑐᓄᑦ, ᑭᓇᐅᔭᖁᑎᖃᑦᑎᑕᐅᔪᑦ 220 ᒥᓂᐊᓂᒃ ᑕᓪᓕᒪᑦ ᐊᕐᕌᒍᐃᒃ ᐅᖓᑖᓄᑦ (2019-2024) ᓴᐳᒻᒥᒐᓱᓪᓗᒋᑦ ᐃᓄᐃᑦ ᐱᒍᑦᔨᓂᐅᔪᓄᑦ. ᐊᑐᓕᕐᑎᑕᐅᓂᖓ CFI, ᑲᓇᑕᒥ ᓄᓇᖁᑎᒋᔭᐅᔪᒥᓪᓗᑎᓪᓗᓃᑦ ISC-ᑯᓐᓄᑦ, ᐃᓗᓯᓕᕆᔨᒃᑯᑦ ᐃᑉᐱᒋᔭᖃᓐᓂᐊᐳᑦ ᐊᑐᓕᕐᑎᑕᐅᓂᖓᓂᒃ ᐱᓂᐊᕐᓂᐅᑉ.